Минзәлә районында COVID-19 белән 42 кеше авырый

(Дифиза Нуриева, “Мензеля-информ”)

Район үзәк хастахнәсеннән алынган мәгълүматлардан күренгәнчә, көн саен диярлек ковид белән авыруның яңа очраклары ачыкланып тора. Әйтик, 18 апрель көнне Минзәлә  районында коронавирус белән авыруның 42 очрагы теркәлгән, шуның 3 се – яңа очрак. Шул ук вакытта 6 кеше ревакцинация үткән, шул исәптән икесе – 60 яшьтән өлкәнрәкләр. Районда вакцинацияне 17308 кеше узган. Барысы 18035 доза вакцина кайткан.

Татарстанда COVID-19 белән авыруның 245 яңа очрагы теркәлгән, 35 кеше хастахаанәдә дәвалану уза.