Минзәлә районында ТАССРның 100 еллыгы истәлек билгесе белән бүләкләделәр

(Минзәлә, Илшат Вагыйзов “ "Минзәлә-информ"”)

Минзәлә районы башлыгы Айдар Салахов 1 нче урта мәктәп директоры, Татарстан Республикасында Кеше хокуклары буенча вәкаләтле вәкилнең җәмәгать ярдәмчесе Ольга Ильинага, РФ халык мәгарифе һәм фән хезмәткәрләренең район профсоюз оешмасы рәисе Флора Ивановага, 1 нче ТОС рәисе Гөлфия Хәлимовага ТАССРның 100 еллыгы истәлекле билгеләрен тапшырды.

Истәлекле билге, шулай ук район башлыгының Мактау грамотасы белән Ольга Ильина кеше хокукларын яклау өлкәсендә актив эшчәнлеге өчен бүләкләнде. Ә Флора Иванова һәм Гөлфия Хәлимовага районда мәгариф системасы үсешенә керткән өлешләре өчен истәлекле билге тапшырдылар.

Айдар Салахов шулай ук район авыл хуҗалыгы һәм азык-төлек идарәсе җитәкчесе Илфар Халиковны күптән түгел узган туган көне белән котлады.