Минзәлә районында узган ел 360 чит ил гражданы һәм гражданлыгы булмаган зат миграцион учетка куелды

(Минзәлә, Флүрә Мусина, “Минзәлә-информ”) Миграцион процессны күзәтү максатыннан миграция хезмәте подразделениеләре чит ил гражданнарының яшәү урыны буенча теркәлүе һәм килгән урыннарында учетка алынуы турында дәүләт статистика органнарына  даими рәвештә мәгълүмат тапшырып торалар.

- 2020 елда 360 чит ил гражданы һәм гражданлыгы булмаган зат миграцион учетка куелды. 2019 елның шушы чорында әлеге күрсәткеч 599 иде.

Вакытлыча килгән 338 чит ил гражданы килгән урыннары буенча миграцион учетка куелган (АППГ – 344). Район территориясендәге мигрантларның төп өлешен БДБ илләреннән килгән гражданнар тәшкил итә. Биредә яшәү срогын озынайту буенча миграцион учетка куелган чит ил гражданнарының саны арту күзәтелә: 2019 елда андыйларның саны 255 булган, 2020 елда алар 7гә күбрәк.