Минзәлә районыннан "Мари Кас" ансамбле республикакүләм Семык бәйрәмендә катнашты

Илшат Вагыйзов, "Минзәлә-информ"
 Быел "Семык - 2022" мари мәдәнияте республика бәйрәме Татарстанның Әгерҗе районы Кадрәк авылында үткәрелә.
Бәйрәмдә Минзәлә районы делегациясе дә катнашты.
Гөлчәчәк Габдрахманова, Минзәлә район мәдәният сарае директоры, Минзәлә районында халыклар ассамблеясы вәкиллеге җитәкчесе:
- Республикакүләм "Семык - 2022" бәйрәмендә безнең районнан Калтак авылы  мәдәният йорты каршындагы "Мари Кас" ансамбле (җитәкчесе - Ильмира Асманова) чыгыш ясады һәм катнашучы дипломы, истәлекле бүләк белән бүләкләнде. Көне буе яңгыр явуга карамастан халык таралмый, барысында да бәйрәм кәефе. Концерт номерлары матур, бик эчтәлекле, кызыклы уеннар, мастер-класслар да оештырылган. Мәсәлән, теләгән кешеләр мичтә мариларның милли ризыгы команменланы пешереп карый алалар иде. Чын авыл мичендә үзең пешереп карагач, гел кечкенә чаклар искә төшеп китә.