Минзәлә районының ике авыл җирлеге республика муниципаль берәмлекләр конкурсында җиңү яулады

(Илшат Вагыйзов, "Минзәлә-информ")

Минзәлә районы Наратлы Кичү һәм Хуҗәмәт авыл җирлекләре Татарстан Республикасы көне уңаеннан үткәрелгән республика муниципаль берәмлекләре арасындагы смотр-конкурста җиңү яуладылар 
Бүген, Татарстан Республикасы Конституциясе көнендә, Минзәлә районы башлыгы Айдар Салахов, Наратлы Кичү һәм Хуҗәмәт  авыл җирлекләре башлыклары  Илнар Вәлиев һәм Илназ Нургалиев Казанда әлеге конкурста җиңүчеләрне тәбрикләүдә катнаштылар.
Татарстан Президенты Рөстәм Миңнеханов Илнар Вәлиев һәм Илназ Нургалиевка машина ачкычлары тапшырды.