Минзәлә районының сукырлар җәмгыятендә “Иске Яңа ел” дип аталган күңелле конкурс узды

(Дифиза Нуриева, “Минзәлә-информ”)

Минзәлә районы сукырлар җәмгыятендә “Иске Яңа ел” дип аталган күңелле конкурс узды. Чара башында программаны алып баручылар – үзәкләштерелгән китапханә хезмәткәрләре – Римма Ахметханова һәм Оля Гатиятова бәйрәмнең килеп чыгышы, заманча һәм тарихи йолалар, ырымнар  хакында бәян иттеләр. Соңыннан “Зәңгәр экраннар каршында” дип аталган викторина үтте. Җәмгыять әгъзаларында бигрәк тә “Төрле стильдә бие”, “Бөртекләп җыю”, “Оч, кар бөртеге”, “Шигырь чыгар” кебек уеннар кызыксыну уятты. Уен-көлке белән бергә яңа ел киче сизелми дә узып китте.