Минзәлә табиблары шушы арада ике уникаль операция ясадылар

Илдус Шаһиев, Минзәлә- информ
Без бу хакта тулырак район газетасы битләрендә язачакбыз. Безнең хирурларының осталыгы, салкын канлылыгы йөрәгенә пычак кадалган пациентның гомерен саклап калды. Хәзер реанимациядән гади палатага күчерелгән, савыгып килә.
Организмыннан чит предмет алынган хатын- кыз исә, табибларга рәхмәт әйтәсе урынга, хокукларымны боздылар дип вәкаләтле органга шикаять юллаган.
Менә шул хакта газета битләреннән тулырак укырсыз.
Исегезгә төшерәбез, пандемия чорында аларның фидакарь хезмәтләре нәтиҗәсендә күпме кешенең гомере сакланып калды.
Наил Мөбаракшин, Минзәлә район хастаханәсенең баш табибы:
- Хөрмәтле минзәләлеләр, пандемия әле һаман да бездән ерак китмәде. Яңа формалары барлыкка килергә мөмкин.Безгә сакланганнарның гомерен саклап калу җиңелрәк.Шуңа вакцина ясатудан курыкмагыз. Беренче компонентын алгач икенчесенә килергә онытмагыз. Вакыты җиткәч, алты айдан соң ревакцинациянең мөһимлегенә төшенегез!