Минзәлә театры игелек акциясенә кушылды

(Дифиза Нуриева, “Минзәлә-информ”)

ДНР һәм ЛНР фондына ярдәм җыю башлану  хакында “Кече Ватан мәдәнияты” акциясендә катнашучы театрлар игълан итте. 1-20 апрель көннәрендә куелган хәйрия спектакльләреннән кергән керемне Донбасс кешеләренә ярдәмгә җибәрәчәкләр.

Хәйрия спектакльләрен куюны Бөгелмә дәүләт рус драма театры, Яр Чаллы курчак театрлары  башлап җибәрде. Әлеге хәйрия акциясендә Татарстанның барысы 13 театры катнашачак.

Игелек акциясенә Минзәлә театры да кушылды. Театр бинасында Z  хәрефе барлыкка килде.Шул рәвешле, театр коллективы махсус операциядә катнашучыларга теләктәшлек белдерә.