Минзәләдә коронавирус белән авыруның яңа очраклары юк

(Минзәлә, Илшат Вагыйзов, "Минзәлә-информ") Коронавируска каршы көрәш буенча ТР оперштабы мәгълүматларына караганда, Минзәлә районында соңгы тәүлек эчендә яңа очраклар ачыкланмады.

Республика буенча 84 яңа очракның 5се читтән кертелгән, калганнары авырулар белән элемтәдә булу нәтиҗәсендә.

Чаллыда һәм Тукай районында - 2әр очрак. Республика буенча 18 кеше хастаханәгә урнаштырылды.

Соңгы тәүлек эчендә 65 татарстанлы терелде (гомуми саны - 1173). Барлык авырулар саны 2232 гә җитте.

Исегезгә төшерәбез, кичә Минзәлә районы буенча беренче тапкыр 2 коронавирус диагнозы куелды.