Минзәләдә коронавирус очраклары юк

(Минзәлә, Илшат Вагыйзов, "Минзәлә-информ") ТР коронавируска каршы оперштабы мәгълүматы буенча, Минзәлә районында соңгы тәүлек эчнендә дә коронавирус йоктыру очраклары теркәлмәгән.

Шул ук вакытта соңгы тәүлектә коронавирустан саклану таләпләрен үтәмәгән өчен 15 протокол төзелгән, аларның 2 - вазифаи затларга (барлыгы 319). Вазифаи затлар - шәһәребездә эшләүче ике сәүдә объектының директорлары.

Республика буенча карасак, 84 очракның 1 - читтә кертелгән, 83 - авырулар белән контактка керү нәтиҗәсе. Шуларның 56 өйдә дәвалана, калганнары хастаханәгә салынган.

Соңгы тәүлектә 163 кеше терелгән (барлыгы 1006). Коронавирус тарала башланганнан бирле республикада аның 2064 очрагы теркәлгән.