Маргарита Минзәләле истәлегенә Хач йөреше үткәрелде

(Илшат Вагыйзов,"Минзәлә-информ")

Минзәлә шәһәрендә 22 август – преподобномученица Маргарита Минзәләлене искә алу көнендә хач йөреше булды.

Бу көн уңаеннан кичә һәм бүген Никольский кафедраль соборында һәм Казан-Богородица чиркәвендә бәйрәм гыйбадәтләре узды.

Ә бүгенге гыйбадәттән соң  православиеле минзәләлеләр, Никольский кафедраль соборыннан элеккеге Пророк Ильин хатын-кызлар монастыре территориясенә кадәр хач йөреше белән бардылар. Маргарита Минзәләле нәкъ шушы монастырьнең настоятеле була һәм аның диварларында 1918 елда һаләк була.

Гыйбадәтне Әлмәт һәм Бөгелмә епискобы Мефодий (Зайцев) үткәрде.