Минзәләдә һәр кеше елга 15 китап укыган

(Флүрә Мусина, “Минзәлә-информ”)

Минзәлә районы авылара үзәкләштерелгән китапханәсеннән алынган мәгълүматларга караганда, барлык китап укучыларның саны – 23 470. Бу райондагы кешеләрнең 85 проценты китапханәгә йөри һәм аның хезмәтеннән файдалана дигән сүз.

Резедә Ягъфәрова, район авылара үзәкләштерелгән китапханәсе директоры:

–Райондагы барлык халык санын исәпкә алсак, китапханә фондындагы китаплар саныннан чыгып карасак, бер кешегә уртача 13 китап туры килә, ә китап укучылар исәбеннән караганда, һәр кеше елга 15 китап укыган. Укучылар кулына барлыгы  411 742 данә китап бирелгән.