Минзәләдә "РИТЭК" бүләкләре тапшырылды

(Минзәлә, Илшат Вагыйзов, "Минзәлә-информ") Мисал өчен, 1 нче мәктәп директоры Ольга Ильина хәбәр иткәнчә, аларның мәктәбендә РИТЭК («ЛУКОЙЛ» төркеменә керә) күчтәнәчләрен 20 бала – башлангыч сыйныф укучысы алган

- Быел санитар-эпидемиологик үзенчәлекләр аркасында бәйрәм чарасы булмады. Әмма бүләкләрне тантаналы шартларда тапшырдык, Кыш бабайны чакырдык. Балалар аның белән бик теләп уйнадылар, аңа шигырьләр сөйләделәр, - дип хәбәр итте ул.

безнең өстәмә

Район мәгариф бүлегеннән хәбәр итүләренчә, РИТЭК тан район буенча барлыгы 100 бала – шәһәр мәктәпләренең иҗтимагый тормышында актив катнашкан башлангыч сыйныф укучылары, олимпиадаларда һәм конкурсларда катнашучылар, аз тәэмин ителгән һәм күп балалы гаиләләрдә тәрбияләнүче балалар, шулай ук Урыс төп гомуми белем бирү мәктәбендә белем алучылар бүләкләр алган.