Минзәләдә спорт мастерлары хөрмәтенә  көрәш буенча районара турнир узачак

Минзәләдә 12 мартта спорт осталары Ленар Заһриев һәм Фәрит Хәмәтдинов хөрмәтенә 15 - 18 яшьлек көрәшчеләр арасында районара турнир булачак. Ярышлар Минзәләнең "Нефтяник" спорт залында узачак. Көрәш турнирына Минзәлә, Мөслим, Тукай, Актаныш, Сарман районыннан катнашучылар чакырулы.
Ярышларны район яшьләр һәм спорт бүлеге Минзәлә мәчете белән берлектә үткәрә. Шуңа җиңүчеләргә мәхәллә исеменнән дә бүләкләр тапшырылачак.