Минзәләлеләр участокларына кадәр газны бушлай кертә алачаклар

“Газпром” зур булмаган мәйданлы өйләргә бушлай газ кертергә вәгъдә итә. Төгәлрәк әйткәндә, участок чигенә чаклы торбалар бушлай салыначак, ә участок эчендә газ кертү хуҗалар акчасына башкарыла. Россиянең торак пунктларын газга тоташтырып бетерү  кысаларында бушлай газга тоташтырудан мәйданы 300 квадрат метрдан артмаган өйләр файдалана ала. Бушлай тоташтыру сәгатенә күп дигәндә 7 кубометр газ файдаланучы һәм участоклары газ бүлеп бирү челтәреннән  200 метрдан да ерак урнашмаган  физик затларга кагыла.