Минзәләнең өч командасы мини-футбол буенча ТР Кубогының финал стадиясенә үтте

(Минзәлә, Илшат Вагыйзов, "Минзәлә-информ")

Минзәләнең өч яшь категориясе футболчылары мини-футбол буенча ТР Кубогының финал стадиясенә үттеләр. Бу хакта "Олимп" балалар-яшүсмерләр спорт мәктәбе тренеры Рөстәм Саранов хәбәр итте.

- Безнең футболчылар мини-футбол буенча ТР Кубогында 5 яшь төркеме буенча катнаштылар: 2012/2013 елгы, 2010/2011, 2009/2008, 2007/2006 һәм 2005/2004 елгы.

2006/2007 елгы футболчылар - өченче, 2008/2009 – икенче, 2005/2004 елгы футболчылар шулай ук икенче урынны яуладылар.

Финал стадиясенә чыгу хокукы өчен шулай ук Алабуга, Актаныш, Баулы, Түбән Кама, Чаллы, Сарман, Әгерҗе, Мөслим, Урыссу һәм Бөгелмә командалары да катнашты.