Мөшеге һәм Иркәнәштә яшәүче пай хуҗалары бөртек тә, салам да алачак

Илдус Шаһиев, Минзәлә- информ
Бер пай җиренә өч центнер арпа һәм ике центнер бодай алды пай хуҗалары. Авыл җирлекләре башлыклары салам төргәкләренә дә алдан заявка җыйдылар. Биш йөз төргәкне Иркәнәш авыл җирлегенә бирелгән трактор белән төрәчәкләр.
Камил Шәйиәрданов:
-Безнең җитәкчеләр беркайчан да пайчыларны түбәнсетмәделәр. Бу кадәр ашлыкны складларга кертеп торганчы, халыкның үзенә бирергә кирәк дип саныйм. Сатамы ул аны, хуҗалыгында кулланамы- аның эше. Аларның күңеле тыныч, ә без бурычыбызны үтәп уракны, кыр эшләрен дәвам итәбез.