Наратлы Кичү авыл җирлегендә милек салымын җыю 19 процент кына

(Флүрә Мусина, “Минзәлә-информ”)

Бу төр салым буенча иң күп салым Яңа Мәлкән (339 мең сум), Хуҗәмәт (315 мең сум) авыл җирлекләрендә исәпләнгән.

Ландыш Кондратьева, район финанс-бюджет палатасы рәисе:

– Авыл җирлекләре арасында милеккә салым түләү буенча иң югары процент Яңа Маҗын (93,8 процент), Юртау (88,6), Иске Матвеевка (75,8), Әтрәкле авыл җирлекләрендә, иң түбәне Наратлы Кичү, Юшады, Кадрәк, Аю, Николаевка авыл җирилекләрендә. Аларда бу төр салым җыю уртача район күрсәткеченнән шактыйга ким.

Шәһәр буенча 2020 ел өчен милек салымы 6,1 млн сум исәпләнгән, 4,2 млн сумы (68,9 процент) җыелган.