Педагогия көллиятенең тулай торагында быел студентлар яшәмәячәк

(Илдус Шаһиев, «Минзәлә-информ»)

1918 елдан бирле кулланылышта булган өлеше сүтелеп, яңа бина төзеләчәк.

Студентлар вакытлыча гимназия һәм авыл хуҗалыгы техникумы тулай торакларында яшәп торачак.

— 2018 елдан бирле әзер проект белән йөрүебез нәтиҗәсендә бүген ремонт-төзелеш эшләре башланды, Аллага шөкер.  Бу төбәктә компактлы яңартылган студентлар шәһәрчеге булачак, — диде район башлыгы Айдар Салахов «Минзәлә-информ» га.

Быел бинаның сакланып калган өлеше сафка бастырылачак, икенче өлешенең фундаменты салыначак.

Төзелеш эшләренең барышын яктыртып торачакбыз. Чөнки сентябрьдән башлап, тулай торак төзелеше ел объекты булачак.