Район башлыгы Айдар Салахов якташ геройларыбызны искә алу митингында катнашты

(Дифиза Нуриева, «Минзәлә-информ»)
Әлеге истәлекле көн уңаеннан Минзәлә шәһәренең Җиңү паркында митинг узды. Нәкъ менә әлеге паркта Бөек Ватан сугышында батырлыклар күрсәткән кыю якташларыбызның, Социалистик Хезмәт геройларының бюстлары урнаштырылган, исемнәре язылган. 
Митингта катнашкан оешма һәм учреждение җитәкчеләре, мәктәп директорлары, балалар бакчалары мөдирләре алдында район башлыгы Айдар Салахов чыгыш ясады. Бүгенге көндә махсус хәрби операциядә катнашучы якташларыбызның мөһим хәрби бурычлар башкаруын, аларның да геройлар булуын ассызыклап үтте. 
Соңыннан митингта катнашучылар һәр герой бюсты янына килеп чәчәкләр салдылар, геройлар хакындагы тарихи фактларны яңарттылар.