Рәзил Нәҗмиев – “Яшь профессионаллар” чемпионаты җиңүчесе

(Минзәлә, Илшат Вагыйзов, “Минзәлә-информ”) Райондашыбыз, тумышы белән Тауасты Байлар авылыннан булган Рәзил Нәҗмиев “Яшь профессионаллар”  (WorldSkillsRussia) Татарстан Республикасының региональ чемпионаты җиңүчеләре исемлегенә керде. Ул “Электромонтаж” компетенциясе буенча көмеш медаль яулады һәм Россия этабында Татарстан данын яклаячак.

Санитар-эпидемиологик вәзгыятькә бәйле рәвештә, җиңүчеләрне билгеләп үтү онлайн-форматта оештырылды. Игътибарыгызга якташыбыз җиңүе игълан ителгән видеоөзекне тәкъдим итәбез.