Садак бистәсендә ике балалар мәйданчыгы бар, перспективада спорт комплексы төзү дә планлаштырыла

(Флүрә Мусина, “Минзәлә-информ”)

Әлеге системага калдырылган мөрәҗәгатьләргә җавапларның вакытында бирелүе һәм мәсьәләнең оператив төстә чишелеше дә контрольдә тотыла.

Шушы көннәрдә “Халык контроле” дәүләт мәгълүматлар системасына шәһәрдәге Садак бистәсендә Апалы-сеңелле Есиннар урамында балалар мәйданчыгы төзү турында мөрәҗәгать кергән.

Дмитрий Чухланцев, район башкарма комитеты җитәкчесенең инфраструктура үсеше буенча урынбасары:

– Садак бистәсендә әлеге урам буенча балалар мәйданчыгы төзелеше Минзәлә шәһәрен үстерүнең генераль планы буенча каралмаган. Бүгенге көндә әлеге бистәдә ике балалар мәйданчыгы бар, киләчәктә М.Җәлил урамы буенча (шушы бистәдә) балалар мәйданчыгы белән яңа спорт комплексы төзү планлаштырыла.