«Самый Классный КЛАССНЫЙ» конкурсның II этабы старт алды

(Дифиза Нуриева, «Минзәлә-информ»)

РФ Дәүләт Думасы депутаты Әлфия Когогина инициативасы белән узучы «Самый классный КЛАССНЫЙ» конкурсның беренче этабында балалар һәм ата-аналар тарафыннан 23 сыйныф җитәкчесе тәкъдим ителде. Шулар арасыннан иң күп тәкъдим ителгән 15 сыйныф җитәкчесе икенче этапка узды.

Алар өчен menzela. ru сайтында 10 көн дәвамында — 4 декабрьдән башлап 14 декабрьгә кадәр тавыш бирергә, комментарийларда матур теләкләр, рәхмәт сүзләре дә язарга була. 

Тавыш бирү тәртибе:
1. Бер аккаунттан бары тик бер сыйныф җитәкчесе өчен генә тавыш бирергә мөмкин.
2. Фейк аккаунтлардан тавыш бирү яки автомат рәвештә «накрутка» ясаулар тыела. Әлеге тәртипләрне бозучыларга карата модератор санкцияләр кертә ала. 
3. Комментарийлар тикшерү уза. Начар комментарийлар булса, алар юк ителә.