«Самый Классный КЛАССНЫЙ» конкурсы җиңүчесен РФ Дәүләт Думасы депутаты Әлфия Когогина билгеләячәк

«Самый классный классный — 2023» конкурсының 1нче этабына Минзәлә районы укучылары, ата-аналары тарафыннан 23 укытучы тәкъдим ителгән иде, шуларның 15е — финалга чыкты.

Тавыш бирүдә актив катнашкан, комментарийлар калдырган укучыларга, ата-аналарга рәхмәтебезне белдерәбез. Безнең menzela. ru сайтында сыйныф җитәкчеләре өчен барысы 16495 тавыш бирелде. 

РФ Дәүләт Думасы депутаты Әлфия Когогина җиңүчене тавыш бирүләр буенча гына түгел, ә сыйныф җитәкчеләренә атап язылган комментарийлар буенча үзе билгеләячәк. Җиңүченең исеме 8 март бәйрәме алдыннан район мәдәният сараенда узачак бәйрәм концертында әйтеләчәк. Җиңүчегә депутатның 35 мең сум премиясе тапшырылачак. Финалистларны бүләкләү дә шул ук чарада була.