Сүзне үтәү нидән башлана?

Якшәмбе көнне Татарстан Президенты Рөстәм Мин­неханов үткәргән видеоконференциядә Минзәләдә авария хәлендәге торакта яшәүчеләр өчен һәм со­циаль ипотека буенча төзелүче йортларның график­тан соңга калуы да телгә алынды. Кайбер район­нарда үз эшләрен вакытында һәм сыйфатлы баш­кара алмаган подрядчылардан объектларын тартып алырга кушылды, ә ул оешмалар кара исемлеккә кертеләчәк. Димәк, киләчәктә бөтенләй эшсез ка­лырга мөмкиннәр. Бездәге йортларны төзүче подряд оешмасы вәкилләре бу видеоконференциягә хәтта килмәгәннәр дә иде. Президентның әлеге кисәтүен турыдан-туры ишетсәләр, йортлар төзелешен тизләтүнең чараларын табарлар иде.