«Таңкай» балалар бакчасында узган семинарда Туладан да кунаклар булды

(Дифиза Нуриева, «Минзәлә-информ»)

Чарада Минзәлә шәһәре һәм Минзәлә районы балалар бакчалары тәрбиячеләре һәм җитәкчеләре, мәгариф бүлеге җитәкчесе, Минзәлә районының мәктәпкәчә белем бирү буенча баш белгече һәм методисты, шулай ук Тула өлкәсе Ефремово шәһәренең 4 нче санлы балалар бакчасының тәрбия эше буенча урынбасары да катнашты.

Педагоглар балалар бакчасында инновацион проектларны тормышка ашыру тәҗрибәсе белән уртаклаштылар, бакчаның әзерлек төркеме тәрбияләнүчеләре STEM технологияләре эше буенча мастер-класс күрсәттеләр. Зурлар төркеме тәрбияләнүчеләре анимация өчен төрле станокларда мультфильмнар төшерү серләрен ачтылар.