Татар Мөшегесендә Нәүрүз бәйрәме үткәрделәр

— Авылыбызда Нәүрүз бәйрәмен үткәрү матур традициягә әверелде, бу бәйрәм быел да бик күңелле узды. Татар халкының милли йолаларын искә төшереп Нәүрүз уеннары уйналды; балалар белән бергә укытучылар да әлеге чарада бик теләп катнашты. Ә бәйрәм күрке — Нәүрүзбикә барлык укучылар, укытучылар, авылдашларны бәйрәм белэн котлады, һәр гаиләгә сәламәтлек, иминлек һәм муллык теләде. Бәйрәмнең бизәге — саф һавада тәмле коймак белән тулы өстәл артында үләнле чәй эчүләр булды, — дип хәбәр итте «Минзәлә-информга» Татар Мөшегесе авыл мәдәният йорты сәнгать җитәкчесе Әлфия Әхмәтова.

Фотолар Татар Мөшегесе мәдәният йорты архивыннан.