ТОС №5 җитәкчелеге Минзәләдә иң беренче итеп Яңа ел бәйрәме уздырды

(Дифиза Нуриева, “Минзәлә-информ”)

Ак кар, чыршы, Кыш бабай белән Кар кызы, яхшы кәеф – Яңа ел бәйрәме өчен тагын нәрсә кирәк?! Әлеге бәйрәмне бигрәк тә балалар зарыгып көтә. Минзәлә шәһәренең ТОС№5 микрорайоны җитәкчесе Валентина Смородинова үткән ял көннәрендә үз микрорайонында яшәүче балалар өчен Чыршы бәйрәме уздырды. Балалар чыршы тирәли әйлән-бәйлән уйнадылар, җырладылар, табышмаклар чиштеләр, төрле хәрәкәтчән уеннар уйнадылар.

Соңыннан бәйрәм кунаклары Фәния Нуретдинова пешергән беленнәр белән кайнар чәй эчтеләр.