Төзүчеләр хезмәт куйган объектларда җанлылык бар

Илдус Шаһиев, Минзәлә- информ
Районда урта бизнеста активлык үрнәге булган Дамир Каюмовның промышленность мәйданчыгында моңарчы буш яткан территория хисабына резидентлар саны арта бара. Аларга килү юлларын ремонтларга Татарстан хөкүмәте шактый зур суммада акча бүлеп бирде.Әйләнеп чыгу юлы әзер, тирә- ягын тәртипкә китерү бара.Айдар Салахов әйткәнчә, мондый программага өч кенә район керә алды. Яңа юл, эшмәкәрләргә бизнесны үстерү өчен яңа мөмкинлекләр тудырына шик юк.
Район башлыгы шулай ук «Чишмә» балалар бакчасы, гер һәм көрәш заллары, Безнең ишек алды программасы буенча төзекләндерү эшләре алып барылган йорт янында булды.
Төзүчеләр белән аралашканда алда торган бурычлар, эш графигын саклау хакында сүз барды.