Әтрәкледә яңа ФАП төзиячәкләр

(Минзәлә, Флүрә Мусина, “Минзәлә-информ”)
Узган ел Тулбай авылында модульле фельдшер-акушерлык пункты төзелде. Быел кайсы авылда төзеләчәк соң?
Дмитрий Чухланцев, район башкарма комитеты җитәкчесе урынбасары:
– “ФАПлар төзелеше һәм сәламәтлек саклау объектларына капремонт” программасы кысаларында быел Әтрәкле авылында яңа ФАП төзеләчәк. Авылларда мондый социаль объектлар төзелеше халыкка уңайлыклар тудыру дәрәҗәсен күтәрергә мөмкинлек бирә.