Тулбайда имамнар җыелышы булды

Илшат Вагыйзов, "Минзәлә-информ"
Минзәлә районы Тулбай авылы мәчетендә имамнар җыелышы булды.

Рәмзил хәзрәт Садыйков, Минзәлә районы имам-мөхтәсибе:
- Әлеге җыелыш якынлашып килүче изге Рамазан аена әзерлеккә багышланган иде. Бәраәт кичәсен дә искә алып уздык. Шулай ук мөхтәсибәт, авыл мәхәлләләре тормышына кагылышлы мәсьәләләр дә каралды.

Тулбай имам-хатыйбы Илалетдин хәзрәт Шәрәфетдинов җыелышка килүчеләрнең мәчетнең бүгенге көне белән таныштырды. Шулай ук җыелыш һәм Бәраәт кичәсе уңаеннан мәчеттә мул өстәл дә әзерләнгән иде.