Тупач авылы кызы Рәмилә Гиниятова "Татар кызы" конкурсының финалына үтте

27 гыйнвар көнне түгәрәк өстәл янында БТК Башкарма комитеты җитәкчесе Данис ШАКИРОВ @danis.shakirov.f, Халыкара "Татар кызы" бәйгесе дирекциясенең Башкарма директоры Гүзәлия ГЫЙНИЯТУЛЛИНА @guzaliyaginiyat, Бөтендөнья татар хатын-кызлары оешмалары җитәкчесе Кадрия ИДРИСОВА @kadriiaidrisova, шулай ук бәйге остазлары зона турларында җиңеп чыккан 12 кыз белән сөйләштеләр.
"Татар кызы" конкурсының җитәкчелеге гүзәл затларны финал нечкәлекләре белән таныштырды. Гүзәлия ГЫЙНИЯТУЛЛИНА белдергәнчә, быел аерым басым шәҗәрә өйрәнүгә биреләчәк. Белгечләр кызларга ничек үз нәселләрен өйрәнергә кирәклеген аңлатачак. Шулай ук бәйге кысаларында тарихи интенсив та каралган.