Тыл ветераны Рәшидә Шәйхразиева 95 яшьлек юбилеен бәйрәм итә

(Дифиза Нуриева, «Минзәлә-информ»)

Рәшидә Шәйхразиева 1928 елда Яңа Иркәнәш авылында туа. Сугыш елларында 13 яшьлек кыз бала өлкәннәр белән беррәттән колхозда төрле эшләрне башкара. 1950 елда тормыш кора һәм гаиләсе белән яшәр өчен Әтрәкле авылына күченеп китә. Медпунктта санитарка, соңрак колхозда эшче булып хезмәт куя. Тормыш иптәше белән 3 бала тәрбияләп үстерәләр. 
Бүгенге көндә Рәшидә апа балаларында кадер-хөрмәттә яши. Аның 6 оныгы, 12 оныкчыгы бар. 

Тыл ветераны «1941-1945 еллардагы Бөек Ватан сугышындагы фидакарь хезмәте өчен» медале белән бүләкләнә. Хезмәт ветераны исеменә лаек була.