Воровский исемендәге бистәдә яшәүчеләр Казанга экскурсиягә бардылар

Минзәлә районының Воровский исемендәге бистәсендә яшәүчеләр өчен Казанга экскурсия оештырылды. Татарстан башкаласына 43 кеше — МХОда катнашучыларның әти-әниләре, хатыннары, балалары, пенсионерлар һәм авыл җирлеге активистлары барды.

Экскурсия Раифа монастыренда башланып, Барлык диннәр храмында дәвам итте һәм яңа зооботаника бакчасында тәмамланды. 

— Бер көн эчендә шулкадәр күп яңа һәм кызыклы нәрсәләр күрдек һәм белдек, сәяхәттән алган хис-кичерешләр безне әле озак вакыт җибәрмиячәк, — дип хәбәр итә сәфәрдә катнашучылар.

Экскурсияне авыл җирлеге башлыгы вазыйфаларын башкаручы Әлфия Латыйпова оештырды. Автобусны Минзәлә театры директоры Фаяз Хизбуллин бирде. Ягулык салу белән «Минзәлә-Сервис» директоры Егор Юдин ярдәм итте.