Ярослав Соколовский РФ спорт мастеры булды

Илшат Вагыйзов, "Минзәлә-информ"

Россия Федерациясе Спорт министрлыгының 2022 ел 31 маеннан боерыгы нигезендә “Юбилейный” урта гомуми белем бирү мәктәбе муниципаль бюджет белем бирү учреждениесенең йөзү бүлеге тәрбияләнүчесе Ярослав Соколовскийга йөзү буенча «Россиянең спорт мастеры» дигән спорт исеме бирелде. Бу хакта яңалык Вконтактедагы "Юбилейный" балалар-яшүсмерләр спорт мәктәбе сәхифәсендә урнаштырылган.

Ярослав Наил Каюмовта шөгыльләнә, ул район, республика, федераль дәрәҗәдәге күп санлы ярышлар җиңүчесе.

Ярославның бертуганы Александра да йөзү белән шөгыльләнә һәм Минзәлә районы Башлыгы призына үткәрелгән республика ярышларында рәсми рәвештә йөзү буенча спорт мастерлыгына кандидат исеменә лаек булды.