“Ызандашлар” этно-туристик проекты Кадрәктә Май чабу бәйрәмен үткәрәчәк

(Минзәлә, Илшат Вагыйзов, “Минзәлә-информ”) Минзәлә районындагы Кадрәк җирлегендә урнашкан “Кадрәк” спорт-сәламәтләндерү комплексында “Ызандашлар” этно-туристик проекты тарафыннан Май чабу дуслык, яхшылык һәм шат күңеллек фестивален үткәреләчәк. Бәйрәм 13 март көнне сәгать 12.00 дә башланачак.

Минзәлә, Мөслим, Актаныш, Сарман, Тукай районнарыннан милли фольклор ансамбльләр киләчәк, шулай ук легендар Мизәлә ярминкәсе һәм Кадрәк базарына багышланган театраль тамашалар күрсәтеләчәк. Спорт чаралары, халык уеннары һәм мили аш-су пешерү буенча мастер-класслар да булачак.