Зөләйха Гыйләҗева Марий Элда үткәрелгән татар җыры конкурсында 1 урын яулады

Марий Эл республикасының Йошкар-Ола шәһәрендә «Җырлар аша — туган телгә» I татар җыры фестиваль-конкурсы узды.
Конкурс Марий Эл республикасының татар туган як тарихын өйрәнүчеләр җәмгыяте тарафыннан оештырылды.
Төрле төбәкләрдән, шул исәптән Татарстан Республикасыннан да, барлыгы 162 номер тәкъдим ителде 
Фестиваль-конкурста автор җыры номинациясендә якташыбыз, Мәлкәннән Зөләйха Гыйләҗева катнашты. Альберт Латыйповның Фирая Габдуллина сүзләренә язылган «Җибәрмә мине» җыры белән чыгыш ясап, I дәрәҗә Лауреат иясе булды, Диплом һәм Кубок, истәлекле бүләкләр белән бүләкләнде.