Татарстан журналарының дүртенче саны – Минзәләдә

Сабантуй, Салават күпере, Идел (татарча һәм русча), Чаян (татарча һәм русча), Сәхнә, Безнең мирас, Казан утлары, Сөембикә журналларының 1-3 саннарын дистәләгән якташларыбыз алды инде. Инде менә сатуга дүртенче саннары чыкты. Аны бүгенге көндә безнең хезмәттәшебез Кадрия Мәрдановадан, “Старт” кибетеннән һәм “40 тартма” халыкка хезмәт күрсәтү үзәгеннән алырга була. Җомга көнне Наратлыкичүдә юл буендагы һәм Мәлкәндәге Буранов кибетләренә куелачак. Кызганычка каршы, короновирус башка кибетләрдәге сәүдә нокталарына юлны япты. Шуңа кибеткә ашамлык алырга чыкканда, “Старт”, “40 тартма”га да кереп чыгу җаен карагыз. Яңа таләпләр нигезендә матбугат сату тыелмый.