Быел 15 февраль көнне Әфганстаннан Совет гаскәрләрен чыгаруга 23 ел тулды.

Минзәлә районыннан барлыгы 78 якта­шыбыз Әфганстанда хезмәт иткән. Аларның икесе - Дамир Латыйпов һәм Михаил Кириков - өйгә кайту бәхетенә ирешмәгәннәр. Аларны районда һәрберсе белә. Каһарман каберләренә чәчәкләр куярга дип Әфганстан ветераннарының ел саен җыелулары традициягә әверелде. Менә быел да ветераннар Воровский исемендәге бистәгә һәм Иске Маҗын авылына юл тоттылар. Аннан соң Балалар иҗат йортында музей буенча экскурсия һәм түгәрәк өстәл артында сөйләшү булды.