Чисталык – матурлык нигезе

Газоннар, чәчәк клумбалары булды­ру белән шәһәрнең матурлануы ха­кында узган ел бик күп яздылар. Бу дөрестән дә шулай. Шушы матурлыкка карыйсың да, күңелләр шатлык белән тула. Мин үзем дә чәчәкләр үстерәм. Әмма узып баручылар аларга карап сокланудан мәхрүм. Ник дигәндә, алар каршындагы территориядә әрем, әрекмән һәм башка чүп үләннәре "шаулап" үсә. Йортыбыз каршында дистә елга якын Айбашевның кибет конструкциясе торды, ә МСО тарка­лу белән, кибет тә төзелмәде. Конс­трукция торганда, үзем аның янын чабып, чүп үләннәреннән арындыра идем. Өч ел элек әлеге конструкция­не сүттеләр, территория янына грунт, ком китереп аудардылар. Хәзер бу урын чүп үләненә батып утыра бирә. Үләнне чабу, җыештыру кыенлашты.

Хөрмәтле редакция! Безнең урамда тәртип булдырырга ярдәм итсәгез иде. Һич булмаса, коймалап куйсын­нар иде, юл читен үзебез җыештырыр идек.