Хезмәтне саклау

Шәһәрнең К.Маркс урамын­дагы 59 йорт адресы буенча төзелеш объектында эшләр шәхси эшмәкәр И.Маликов тарафыннан алып барыла. Бинаның мансард катын төзү, түбә ябу эшләре хезмәтне саклау өлкәсендә кануннар­ны бозып башкарыла. Аерым алганда, төзүчеләр түбәне саклаучы билбау, трослар кул­ланмыйча ябалар. Шулай ук РФ Сәламәтлек саклау һәм со­циаль үсеш министрлыгының "Эшләүчеләрне махсус өс киеме, аяк киемнәре һәм башка шәхси саклану чара­лары белән тәэмин итүнең тармакара кагыйдәләрен раслау турында"гы 2009 ел, 01. 06 кабул ителгән 290 сан­лы канунының 26 пункты да үтәлмәгән.

Әлеге объектта техник кур­кынычсызлык кагыйдәләрен үтәү буенча бурыч бригадир А.Нәбиевка йөкләнгән. Тикшерү нәтиҗәләре буенча әлеге ва­зифаи затка карата админис­тратив җаваплылык эше куз­гатылган, әлеге эш ТР буенча Дәүләт хезмәт инспекциясенә юнәлтелгән.

Моңа кадәр уздырылган тикшерү барышында биредә эшләүчеләрнең югары биек-лектәге эшләрне саклану ча­раларын кулланмыйча баш­каруын күздә тотып, брига­дир А.Нәбиев административ җаваплылыкка тартылды һәм аңа 1000 сум күләмендә штраф салынды.