Курыктылар, димәк, кагыйдәләрне белмиләр

"Тимер ат" көне автодромда узды. Шәһәрдә төрле маркада­гы йөзләгән скутер исәпләнә, ә велосипедларны әйтәсе дә юк. Ә ярышларда исә нибары алты скутер йөртүче һәм тугыз ве­лосипедчы катнашты. Әйтергә кирәк, катнашучылар арасында ике кыз - өч ел скутер йөртүче Алсу Шакирова һәм велосипе­дчы Динара Галимарданова да бар иде. Ярышта катнашучы­лар җанатарларга фигуралы йөртү үрнәкләрен күрсәтте, алар нормативка сыешып, берничә сынау узарга тиеш иде. Тәҗрибәләре булганнар алар­ны оста башкарды. Һәр катна­шучы юл хәрәкәте кагыйдәләре буенча теоретик белемнәрен, аннары йөртү осталыгын күрсәтте - бер кимчелексез "змейка", фишкаларны бәрмичә "сигезле" ясады, йөк ташыды. "Җәйге каникуллар башлану белән, балалар скутерларда, велосипедларда, роликлар­да йөри башлады. Хәвеф-хәтәрсез йөрсеннәр, юл йөрү кагыйдәләрен төгәл үтәсеннәр иде", - ди ЮХИДИ бүлекчәсенең пропаганда буенча инспекторы Наил Ибраһимов.

Бу ярышларда барлык фигу­раларны скутерда 29 секундта ясап өлгергән 1 нче урта мәктәп укучысы Айдар Фәттаховка тиңнәр булмады. Велосипедта йөрүчеләр арасында Дмитрий Устюжин һәм Никита Бабин җиңүче булды.