Кызлар да китә армиягә

Күптән түгел Ульяна Александровна Гордиенко һәм Екатерина Павловна Павло­ва илебезне сакларга дип контракт буенча армия сафларына киттеләр. Бу ике кыз яңарак кына Минзәлә шәһәренә күчеп кайткан иде. Монда кайтканчы, Улья­на Таганрог дәүләт радиотехник университетын тәмамлаган, ә Екатерина Тверь өлкәсендә Саратов филиалы институтында экономист белгечлеге үзләштергән. Бу ике кызның да әтиләре, абыйлары хәрби булганнар, яшьтән үк хәрби гаиләдә үскәнлектән, армиядә хезмәт итәргә хыялланганнар. Ниһаять, аларның теләге чынга ашты, бу кызлар комиссия үтеп, Севастополь шәһәрендә элемтәче булып хезмәт итәчәкләр. Әлеге кызлар өч елга контракт төзеделәр, ошаса, тагы калып хезмәт итәчәкбез, ди алар.