Минзәлә

Минзәлә районы

18+
Рус Тат
2024 - год Семьи
Җәмгыять

Уңайлы мохит тудырыйк

Минзәлә шәһәрендә дә инвалидларның транспорт чаралары туктау өчен менә шундый юл билгеләре белән билгеләнгән урыннар хасил була башлады.

Сәүдә, хезмәт күрсәтү предприятиеләре, меди­цина, спорт һәм мәдәни- күңел ачу учреждениелә- ре яннарындагы автомо­биль тукталышларында инвалидларның автотран­спорт средстволары тук­тау өчен махсус урыннар каралган булуы, ул урын­нарны башка транспорт чаралары биләмәскә тиешлеге турында бәян ителгән "РФда инвалид­ларны социаль яклау турында"гы федеральзакон инде моннан җиде ел элек гамәлдә. Шушы законның 15 нче маддәсе нигезендә мондый урыннарның күләме анда тукталучы машиналар санының 10 процентын­нан да кимрәк булмаска, шул ук вакытта ул һәрбер автомобиль тукталышын­да бер урыннан да ким булмаска тиеш.

Реклама

Узган елның 17 июнендә "РФ КоАПнең 5.43 нче һәм 12.19 нчы маддәләренә үзгәрешләр кертү турында"гы федераль закон көченә керде. Аның нигезендә автомо­биль тукталышларында инвалидларның авто­транспорт чаралары өчен махсус урыннар бүлеп бирүен күздә тоткан за­кон таләпләрен бозган өчен штрафлар күләме арттырылды. Урындагы затлар өчен штрафның күләме 3-5 мең сум (элек ул 300-500 сум иде), юри­дик затлар өчен 30-50 мең сум (элек 3-5 мең сум иде). Моннан тыш транс­порт чараларын инва­лидлар өчен билгеләнгән тукталышка яки урынга туктатканда яки куй­ганда, адмштрафның күләме 3-5 мең сум тәшкил итә, элек моның өчен кисәтү ясала яки 200 сум штраф түләтелә иде. Шуңа күрә автомо­биль йөртүчеләрне тагын бер кат искәртәбез, юл билгеләренә игътибарлы булыгыз.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев