Иркәнәштә Чаллы көрәшчесе батыр калды

Быел районыбыз Сабантуйларының тәүгесе Иске Иркәнәш авылында үткәрелде. Милли бәйрәмебез уен-көлке, җыр-бию һәм ярышлар белән үрелеп барды. Кул көрәшендә Фәнүс Исламов, Альвир Даутов, Эльвира Ишембаевага тиңнәр булмады, колгага менүдә исә Рүзәл Гарипов беренчелекне яулады. Ә милли бәйрәмебезнең иң мөһим өлеше булган көрәш бәйгесендә абсолют батыр булып Яр Чаллы шәһәреннән килгән кунак Ранис Гилязетдинов калды.

Авыл сабантуен үткәрүдә үзебезнең районыбыз мәдәният сарае артистлары, шулай ук нәфис сүз остасы Рәшит Сабиров, җырчылар Азат Тимершәех, Регина Тимербулатова, Актанышта яшәп, иҗат итүче Инсаф Хәбибуллин килделәр.

Фотоларны биредә карый аласыз