Яңа Мәлкән авыл үзешчәннәре күрше авылларга да барып концерт куялар

Яңа Мәлкән авылы үзешчәннәре авылдашлары күңелле ял итсен өчен төрле мәдәни чаралар оештыралар. Моннан тыш күрше авылларга барып концертлар куеп кайталар, шул рәвешле бюджеттан тыш акча да эшләп алалар. Шушы араларда Татар Мөшегесе авылына барып, "Якты нурым сезгә бөркелә" дигән концерт-тамаша күрсәттеләр. Анда матур җыр һәм биюләр белән беррәттән, шигырьләр һәм мәзәкләр дә яңгырады. Мөшегелеләр белән бергәләп кызыклы уеннар да уйнап алдылар. Мөшеге егетләре бигрәк тә Мәлкән кызларының биюләренә ("Мөкәрәмә" көенә бергәләп биеделәр) "гашыйк булдылар".