Алтысы да призлы урыннарда

Җәлил бистәсендә укытучылар көненә багышланган республика күләмендә бокс турниры узды. Татарстанның һәм Башкортстанның төрле шәһәр, районнарыннан 100 боксчы җыелган иде. Безнең районнан А.К.Хаматов исемендәге бокс мәктәбендә шө-гыльләнүче 6 егет көчләрен сынашып кайттылар. Беренче урынны 1нче мәктәп укучылары бертуган Наил һәм Эмил Кириловлар һәм авыл хуҗалыгы техникумы студенты Булат Кәримов яуладылар. 3нче мәктәп укучысы Артем Лебедев, 2нче мәктәп укучысы Дамир Мингалиев һәм 1нче мәктәп укучысы Денис Дәүләтов 2нче урынга лаек булдылар.