Минзәлә районында чистарту икеайлыгы игълан ителде

Минзәлә муниципаль район башкарма комитеты карары нигезендә шәһәрне язгы җыештыруда традиция буенча оешма-предприятие коллективлары, идарәче компанияләр, мәктәп укучылары, студентлар, шәхси һәм күпфатирлы йортларда яшәүчеләр катнашачак. Шушы икеайлык эчендә кыш дәвамында җыелган чүп-чарны җыештыру, корыган агач-куак-лардан арындыру, аларны санитар кисү оештырылыр дип көтелә. Болардан тыш шәһәр урамнарын, юлларны, мәйданчыкларны, газоннарны чистарту, санкцияләнмәгән чүп түгү урыннарын юкка чыгару һәм чүп контейнерларын төзәтү һәм буяу, яңаларын урнаштыру, балалар мәйданчыкларын тәртипкә китерү планлаштырыла.