Узган атнада Минзәлә авыл хуҗалыгы техникумы призына беренче мәртәбә медицина училищесы спортзалында татарча көрәш бәйгесе узды. Бу ярышта 30 көрәшче келәмдә үз көчен һәм осталыгын күрсәтте.

1994-95 елларда туган яшүсмерләр бил алышты. Аерым үлчәү категориясендә җиңгәннәр кубок һәм грамотага ия булдылар. Әлеге бәйгедә техникум командасы беренче, Урыс урта мәктәбе икенче, Хуҗәмәт командасы өченче урынны яулады. Техникум командасына кубок тапшырылды. Бу ярыш Алабуга шәһәрендә узачак республика ярышларына көрәшчеләр сайлап алу турниры да булды. Киләчәктә Минзәлә авыл хуҗалыгы техникумында республиканың авыл хуҗалыгы техникумнары арасында республика бәйгесе үткәрү планлаштырыла. Техникум призына үткәрелгән ярышның төп спонсоры - Радик Фәттахов.