Теннис осталары

Өстәл теннисында 19 кеше катнашты. Кызганычка каршы, бу ярышларда катнашучыларның күпчелеген нигездә бюджет тармагында хезмәт куючылар гына тәшкил итә. Зур коллективлы оешма-предприятиеләр арасында Спартакиада кысаларында уздырылучы бәйгеләрдә чыгыш ясаучыларны бармак белән генә санарлык. Спорт залына җыелганнар арасында бары тик җиде оешма-предприятияләр командалары гына бар иде. Бәйгеләр нәтиҗәләренә килгәндә, район суды һәм тикшерү изоляторының җыелма командасы үзләренең киңкырлы спортчылар икәнлеген исбатладылар. Өстәл теннисында оешма-предприятиләр арасында аларга тиңнәр юк иде. Хакимият командасы белән район мәгариф бүлеге икенче-өченче урыннарны бүлештеләр.